Njësia e mbrojtjes së fëmijëve

MISIONI

Njësia për Mbrojtjen e Fëmijëve ka si mision mbrojtjen e fëmijës, nëpërmjet plotësimit të kuadrit ligjor, garantimin e mirëqenies dhe përmirësimin e cilësisë së jetës së fëmijës, duke promovuar e mundësuar zhvillimin në shoqëri, ndihmën dhe përkujdesin  për fëmijën, shëndetin dhe mirëqenien tij kur ata janë në rrezik.

QËLLIMI I PËRGJITHSHËM I POZICIONIT TË PUNËS

Njësia për Mbrojtjen e Fëmijëve  në  Zbatim të ligjit nr. 18/2017 “Për Mbrojtjen e të Drejtave të fëmijëve” mbron dhe mbështet fëmijët :

• në nevojë dhe varfëri ekstreme;
• fëmijë të dhunuar fizikisht/seksualisht/psikologjikisht;
• fëmijë me aftësi ndryshe në nevojë;
• fëmijë në situatë rruge;
• Fëmijë të neglizhuar;
• Fëmije ne konflikt me ligjin;
• Fëmije të braktisur dhe pa kujdes prindëror etj.
• Fëmijët e Riatdhesuar;

DETYRAT KRYESORE

• Identifikimin e fëmijëve në rrezik nëpërmjet informacioneve të siguruara nga vet NJMF-ja, marrjes së referimeve nga institucionet e tjera, anëtaret  e komunitetit, vetë fëmija dhe media;
• Menaxhimin e rasteve emergjente të fëmijëve në bashkëpunim me policinë, SHSSH dhe aktorë te tjere të nevojshëm;
• Ndërrmarjen e vlerësimit fillestar për të gjithë rastet e fëmijëve të referuar në NjMF;
• Organizimin e vlerësimeve të thella e të plota për fëmijet e referuar pranë NjMF-së;
• Koordinimin dhe lehtësimin e takimit të Grupit Teknik Multidisiplinar për të diskutuar për çdo fëmije të konsideruar në rrezik;
• Zhvillimin dhe shqyrtimin e planeve individuale te fëmijeve në rrezik dhe monitorimin e zbatimit derisa rasti të mbyllet dhe fëmija të jetë jashtë rrezikut;
• Denoncimni në polici të rasteve të abuzimit të ndodhur apo supozuar në mënyrë që të mbrohen fëmijët;
• Organizimin e punës së drejtëpërdrejtë me fëmijët dhe familjet;
• Të veprojë si Menaxher Rasti dhe te jetë përgjegjës për implementimin dhe monitorimin e Planit Individual të Mbrojtjes edhe në rastet kur fëmija ështe në institucion rezidencial ose në çfarëdo lloji strehimi të përkoheshëm;

PËRGJEGJËSITË KRYESORE

1. Të identifikohen  rastet e fëmijëve në nevojë dhe në rrezik.
2. Të Mblidhet Grupi Teknik Ndërsektorial, çdo tre muaj dhe të diskutohen risitë dhe ndryshimet në ligj dhe VKM-të përkatëse.
3. Të menaxhohen te gjitha rastet e fëmijeve në rrezik deri në zgjidhjen e situatës së tyre.
4. Të asistohet çdo fëmijë nga punonjësi social i cili merret në pyetje pranë gjykates, prokurorise, komisariatit.

1. Të realizohen seminare sensibilizuese në shkolla dhe komunitet për të promovuar të drejtat e fëmijëve.
2. Njësia për Mbrojtjen e Fëmijëve është një strukturë që vepron në bashkëpunim me aktorë të tjerë të institucioneve kryesore anëtarë të GTN-së.

Të mbajë të dhëna të sakta dhe faktike për të gjitha rastet  e menaxhuara  dhe te referuara të fëmijëve pranë NJMF-së dhe të paraqesë periodikisht pranë Agjencisë Shtetërore për Mbrojtjen e të Drejtave të Fëmijeve të dhëna statistikore që ka përpunuar.